Արևելյան ճեպընթաց

Բացիկ «Արևելյան ճեպընթացի» պատկերով (1900 թվական)

Արևելյան ճեպընթացը (ֆր.՝ Orient-Express), Orient-Express Hotels ընկերությանը պատկանող «լյուքս» դասի մարդատար գնացք, որը սպասարկել է Փարիզից- Կոստանդնուպոլիս(Ստամբուլ) երթուղին սկսած 1883 թվականից։

«Արևելյան ճեպընթացի» գաղափարը պատկանում է բելգիացի Ժորժ Նահելմաքերսին։ 1889 թվականին գնացքը առաջին անգամ, ընդամենը 67 ժամում, հաղթահարեց Փարիզից Կոստանդնուպոլիս ճանապարհը, որն ուներ 3000 կիլոմետր երկարություն։ Ավելի ուշ «Արևելյան ճեպընթաց» սկսեցին անվանել եվրոպական լյուքս կարգի գնացքները, որոնց մեկ երկտեղանի կուպեները առանձնացված էին «Ար-դեկո» ոճով։ Յուրաքանչյուր կուպեում առկա է լվացարան՝ տաք և սառը ջրերով։ Առավել տարածված էր Լոնդոն — Վենետիկ, Փարիզ — Վիեննա և նույնիսկ Մոսկվա — Պեկին երթուղիները։ Տարբեր ժամանակներում «Արևելյան ճեպընթացով» ճանապարհորդել են Ֆրանց Յոզեֆ I-ը, Եղիսաբեթ II-ը, Շառլ դը Գոլը, Ագաթա Քրիստին և այլ հայտնի մարդիկ։

Գնացքը նկարագրված է Ագաթա Քրիստիի Սպանություն «Արևելյան ճեպընթացում» վիպակում, Գրեհեմ Գրինի «Ստամբուլի ճեպընթաց» վեպում, Սիդնի Շելդոնի «Եթե կգա վաղը» վեպում, Ալեքսեյ Պեխովի «Մահվան կլանի հրաշագործը» պատմվածքում, Յան Ֆլեմինգի Ռուսաստանից սիրով վեպում, Վերոնիկա Հենրիի «Գիշերը արևելյան ճեպընթացում» վիպակում։

Երթուղիներ

• Փարիզ — Բուդապեշտ — Բուխարեստ — Ստամբուլ (6 ցերեկ/5 գիշեր)
• Լոնդոն — Փարիզ — Վենետիկ — (2 ցերեկ/1 գիշեր)

«Արևելյան ճեպընթացի» երթուղիների քարտեզը

• 
  Առաջին արևելյան ճեպընթացը (1883 թվական)
• 
  Պոստեր, որը գովազդում է «Արևելյան ճեպընթացը»
• 
  1901 թվականի ուղեցույց
• 
  Առաջին դասի համարների կահավորանքը
• 
  Վագոն- ռեստորան (1900 թվական)
• 
  «Արևելյան ճեպընթաց» գնացքը, Ստամբուլ, Սիրքեջի կայարան

Արևելյան ճեպընթացը արվեստում

• Սպանություն «Արևելյան ճեպընթացում»
• Սպանություն «Արևելյան ճեպընթացում» ֆիլմ
• Սերը «Արևելյան ճեպընթացում»
• Ռուսաստանից սիրով
• Թուրքական գամբիտ
• The Last Express (համակարգչային խաղ)
• Մումիան «Արևելյան ճեպընթացում» (Բժիշկ ով հեռուստասերիալի սերիա)
• "Գիշերը «Արևելյան ճեպընթացում» (Վ.Հենրիի գիրքը)

Արտաքին հղումներ

• Orient-Express գնացքի պաշտոնական կայք էջը
• Արևելյան ճեպընթացի մասին լեգենդները և առասպելները Արխիվացված 2016-12-03 Wayback Machine

Վիքիպահեստն ունի նյութեր, որոնք վերաբերում են «Արևելյան ճեպընթաց» հոդվածին։